नेपालले आज फिलिपिन्ससँग मैत्रीपूर्ण फुटबल खेल्दै
काठमाडौं। नेपालले आज फिलिपिन्ससँग मैत्रीपूर्ण फुटबल खेल्दैछ। नेपाली समय अनुसार दिउँसो ४ः४५ बजे फिलिपिन्सको राजधानी मनिलामा मैत्रीपूर्ण फुटबल खेल हुन लागेको हो।
साफ च्याम्पियनपसिप अघिको यो अभ्यास खेल नेपालका लागि कमजोरी सुधारको मौका हुने विश्वास छ। साफ गेम आगामी असार ६ गतेदेखि भारतमा सुरु हुँदैछ।
फिलिपिन्ससँग अभ्यास खेल खेलेपछि नेपाली टोली साफ खेल खेल्न सिधै भारतको बेंग्लोर जाने छ।
साफ खेलको समूह ‘ए’ मा नेपाल, भारत, पाकिस्तान र कुवेत छन् भने समूह ‘बी’ मा माल्दिभ्स, भुटान, लेबनान र बंगलादेश छन्।
नेपाल आज बलियो टोली फिलिपिन्सलाई हराउने योजनामा रहेको छ। भारतमा हुने १४ औं संस्करणको साफ च्याम्पियनसिपको तयारी अन्तर्गत नेपालले फिलिपिन्ससँग खेल्न लागेको हो। भारतको बेंगलुरुमा आयोजना हुने साफ असार ६ देखि १८ गतेसम्म हुनेछ ।