प्रहरीमा भर्ना हुन अब अनलाइनबाटै आवेदन
काठमाडौं । प्रहरीमा भर्नाका लागि अब अनलाइनबाटै आवेदन दिन सकिने भएको छ। केन्द्रीय प्रहरी प्रवक्ता प्रहरी नायब महानिरीक्षक कुवेर कडायतले कार्ययोजना २०८० सार्वजनिक गर्दै सो जानकारी दिएका हुन्।
अनलाइनबाटै आवेदन दिन सकिने भएपछि तोकिएकै प्रहरी कार्यालय पुगरे आवेदन दिनुपर्ने बाध्यता हट्ने विश्वास गरिएको छ। यसअघि तोकिएकै प्रहरी कार्यालय पुगरे आवेदन दिनुपर्ने बाध्यता थियो।
प्रहरीलाई उत्कृष्ट एवं आम नागरिकको विश्वास र भरोसायोग्य संगठनको रुपमा विकास गर्न आईजीपी वसन्त कुँवरले कार्ययोजना २०८० सार्वजनिक गरेका थिए।
कार्ययोजनाले नेपालको संविधानबमोजिम प्रहरी संगठनको पुन:संरचना, सुदृढीकरण तथा प्रहरी सेवा प्रवाहको गुणस्तर अभिवृद्धि गरी संगठनको विकासका लागि स्पष्ट मार्गनिर्देशन गर्ने बताइएको छ।