प्रहरी वरिष्ठ हवल्दार सिंह एक लाख घुससहित पक्राउ
काठमाडौं। काठमाडौंको प्रहरी प्रभाग बुढानीलकण्ठमा कार्यरत प्रहरी वरिष्ठ हवल्दार विष्णु सिंह एक लाख रुपैयाँ घुससहित रंगेहात पक्राउ परेका छन्।
स्थानीय कुखुरे खोलाको ढल सरसफाइ तथा निकास व्यवस्थापन गर्दा निस्कने बालुवा व्यवस्थापन कार्य सहजीकरण गरिदिने भन्दै उनले घुस लिएको अवस्थामा पक्राउ गरीएको छ।
घुस लिइसकेको अवस्थामा अख्तियार दुरुपयोग अनुसन्धान आयोग, टंगालबाट खटिएको टोलीले बुढानीलकण्ठ नगरपालिका- २ वासिकबाट उनलाई पक्राउ गरेको हो। सिंहबारे थप अनुसन्धान भइरहेको जनाइएको छ।