महिला टि–ट्वेन्टी क्रिकेट श्रृंखला: आज नेपाल र मलेसिया भिड्दै
काठमाडौं। मलेसियामा जारी महिला टी–ट्वेन्टी क्रिकेट श्रृंखलामा आज (शुक्रबार) नेपालले आयोजक टोली मलेसियासँग खेल्दैछ।
चार देश सम्मिलित श्रृंखलामा नेपालको यो समुह चरणको तेस्रो तथा अन्तिम खेल हो।
आजको खेल जित्दै नेपाल समुह विजेताको रुपमा फाइनलमा पुग्न चाहन्छ। पहिलो खेलमा हङकङलाई ६ विकेटले हराएको नेपालले दोस्रो खेलमा कुवेतमाथी ३४ रनको जित हासिल गरेको थियो।
शुक्रबारको खेल जितेको खण्डमा नेपाल समुह चरणमा अपराजित रहनेछ। विश्वकप टि–ट्वेन्टी क्रिकेटको एसियाली छनौट प्रतियोगिताको तयारीमा रहेको नेपालले अभ्यास स्वरुप यो श्रृंखला खेलेको हो।