काठमाडौंको काभ्रेस्थलीबाट जुवातास खेलिरहेको अवस्थामा ७ जना पक्राउ
काठमाडौं। काठमाडौंको तारकेश्वर नगरपालिका काभ्रेस्थलीमा जुवातास खेलिरहेको अवस्थामा ७ जना पक्राउ परेका छन्।
पक्राउ पर्नेमा काभ्रेस्थलीको आफ्नै घरमा जुवातास खेलाइ रहेको अवस्थामा ४९ वर्षीय मुरारी भण्डारीसहित ७ जनालाई प्रहरीले पक्राउ गरेको छ। काभ्रेस्थली २ बाट प्रहरीले उनिहरूलाइ पक्राउ गरेको थियो।
विशेष सूचनाको आधारमा प्रहरी वृत्त बालाजुबाट खटिएको प्रहरीले उनीहरूलाई नगद ३७ हजार ५ सय रूपैयाँ र ३ बुक ताससहित पक्राउ गरेको हो। यस सम्बन्धमा प्रहरीले आवश्यक अनुसन्धान गरिरहेको छ।