महाराजगन्ज चोकमा शंकास्पद वस्तु फेला
काठमाडौ। काठमाडौं महाराजगन्जस्थित व्यस्त चोकमा शंकास्पद वस्तु फेला परेको छ। मंगलबार साँझ महाराजगन्ज चोकस्थित बूढानीलकण्ठ जाने बाटोतर्फ सडकपेटीमा झोलामा राखिएको शंकास्पद वस्तु फेला परेको हो।
बेवारिसे अवस्थामा झोलामा शंकास्पद वस्तु भेटिएपछि सेनाको बम डिस्पोजल टोली घटनास्थलमा पुगेको छ। सवारीको चापका बीच शंकास्पद वस्तु भेटिएपछि सडक खाली गराइएको प्रहरीले जनाएको छ।
शंकास्पद वस्तु बम हो वा होइन भन्नेबारे डिस्पोजल टोलीले यकिन गरेपछि मात्र थाहा हुने सो क्षेत्रमा खटिएका एक प्रहरीले बताए।