मादक पदार्थ सेवन गरेर हत्या गरेको आरोपमा दुई जना पक्राउ
सोलुखुम्बु,। सोलुखुम्बुमा मादक पदार्थ सेवन गरेर एक जनाको हत्या गरेको आरोपमा प्रहरीले दुई जनालाई पक्राउ गरेको छ।
जिल्लाको महाकुलुङ गाउँपालिका–२ पेल्माङ बस्ने ५० वर्षीय सितल बहादुर राईको हत्याको घटनामा संलग्न रहेको अभियोगमा प्रहरीले दुई जनालाई शुक्रबार राति पक्राउ गरेको हो।
पक्राउ पर्नेहरूमा सोही ठाउँ बस्ने ५५ वर्षीय धरन बहादुर राई र ३५ वर्षीय समित कुलुङ रहेका छन्।
मादक पदार्थ सेवन गरेर वादविवाद संगै भएको झगडामा सितल बहादुर राईको घटनास्थलमै मृत्यु भएको थियो। यस सम्बन्धमा प्रहरीले आवश्यक अनुसन्धान भइरहेको जनाएको छ।