होटेलमा जुवातास खेलिरहेका २१ जना पक्राउ

काठमाडौं। नुवाकोटको विदुर नगरपालिका–२, विदुरस्थित नर्थ भ्यू होटेलमा जुवातास (कौडा) खेलिरहेको अवस्थामा २१ जना पक्राउ परेका छन्।

सोही नगरपालिका–५ बस्ने ३६ वर्षीय रवीन्द्र आचार्यसमेत २१ जनालाई गएराति प्रहरीले पक्राउ गरेको छ।

होटेलमा जुवातास खेलिरहेको भन्ने खबर प्राप्त हुनासाथ जिल्ला प्रहरी कार्यालय नुवाकोटबाट खटिएको प्रहरीले उनीहरूलाई नगद ६ लाख ५२ हजार १९२ रूपैयाँसहित पक्राउ गरेको जनाइएको छ।