अछाममा जीप दुर्घटना हुँदा १३ जना घाइते

अछाम । बाजुराबाट छुटेको जीप अछाममा दुर्घटना भएको छ।

सुर्खेत गइरहेको भे १ च २५७६ नम्बरको जीप मंगलबार अछामको मंगलसेन नगरपालिका–७ सिन्जाडाँडामा दुर्घटना भएको हो।

दुर्घटनामा जिपमा सवार १४ जनामध्ये १३ जना घाइते भएकाजिल्ला प्रहरी कार्यालयका प्रमुख प्रहरी नायब उपरीक्षक सन्तोष पाठकले जानकारी दिए।

उनका अनुसार घाइतेहरुलाई उपचारका लागि जिल्ला अस्पताल लगिएको छ। जीप उकालोमा ब्रेक फेल भएर दुर्घटना भएको प्रहरीले जनाएको छ।