काभ्रेमा दम्पती मृत अवस्थामा भेटिए
बनेपा। काभ्रेपलाञ्चोकको महाभारत गाउँपालिका वडा नम्बर–४ स्थित ३ फुट्टेमा एक दम्पती मृत अवस्थामा भेटिएका छन्।
बुधबार बिहान ६० वर्षीय मानबहादुर बल र उनकी पत्नी ५० बर्सिया केकाइमाया बल मृत अवस्थामा भेटिएको जिल्ला प्रहरी कार्यालय काभ्रेका डीएसपी राजकुमार श्रेष्ठले जानकारी दिए।
उनीहरूको हत्या भएको आशंका गरिएको छ। डीएसपी श्रेष्ठका अनुसार उनीहरुको हत्या गरिएको आशंकामा तालिम प्राप्त कुकुरको सहयोगमा अनुसन्धान थालिएको छ।
उनले भने, प्रारम्भिक अनुसन्धानमा उनीहरुको हत्या गरिएको जस्तो देखिन्छ। थप अनुसन्धानपछि मात्र यकिन थाहा हुनेछ।