काभा भलिबलमा नेपालले माल्दिभ्सलाई सोझो सेटमा हरायो
काठमाडौं । काभा वुमन्स नेसन्स लिग भलिबलको सेमिफाइनल समीकरण पूरा भएको छ। सोमबार भएको लिग चरणको अन्तिम खेलमा नेपालले माल्दिभ्सलाई हराएसँगै सेमिफाइनल समीकरण पूरा भएको हो।
त्रिपुरेश्वरस्थित राखेपको कभर्डहलमा भएको खेलमा नेपालले माल्दिभ्सलाई ३–० को सोझो सेटमा जित निकालेको हो। नेपालले माल्दिभ्सविरुद्ध २५–८, २५–१९ र २५–१८ को सहज जित निकालेको हो। नेपालले आज सिनियर खेलाडीहरू कप्तान अरुणा शाही,उषा भण्डारी र सरस्वतीलाई विश्राम दिएर दोस्रो रोजाईका खेलाडीलाई मैदान उतारेको थियो।
नेपाल सेमिफाइनलमा पुगिसकेको र श्रीलंका प्रतियोगिताबाट बाहिरिसकेकाले दुबैका लागि खेलको नतिजा प्रतिष्ठाको विषय मात्र थियो।
आजै भएको पहिलो खेलमा भारतले पनि श्रीलंकालाई ३–० को सोझो सेटमा हराएको छ।
भारतले श्रीलंकालाई २५–१३ ,२५–२१ र २५–२० ले पराजित गरेको हो। जितसँगै भारत १० अंक सहित शीर्ष स्थानमा रहेर सेमिफाइनल खेल्ने भएको छ।