काभा वुमन्सको उपाधि भारतलाई, फाइनलमा चुक्यो नेपाल
काठमाडौं। घरेलु टोली नेपाललाई हराउँदै भारतले काभा वुमन्स नेसन्स लिग भलिबलको उपाधि जितेको छ। त्रिपुरेश्वरस्थित राखेपको कभर्डहलमा भएको फाइनल खेलमा नेपाललाई ३–२ सेटले पराजित गर्दै भारतले उपाधि जितेको हो। पाचौं सेटमा भारतले १५–५ ले जित निकाल्यो।
पहिलो सेट २५–२३ ले जित निकालेको नेपालले दोस्रो सेट १४–२५ ले गुमाएको थियो । तेस्रो सेटमा २५–२२ ले जित हासिल गरेपनि नेपालले अग्रता जोगाउन सकेन।
चौथो सेटमा भारतले २५२१ ले जित निकाल्दा खेल पाचौं सेटमा धकेलिएको थियो। पाँचौ सेटमा सुरुदेखि नै अग्रता लिदै भारतले उपाधि रक्षा गर्यो।