नेपालले क्यानडामा टी-२० सिरिज खेल्ने, यस्तो छ खेल तालिका
काठमाडौं। नेपालले त्रिकोणात्मक टी–२० आई सिरिज खेल्ने निश्चित भएको छ। बुधबार क्यानडा क्रिकेट संघले त्रिकोणात्मक ओडिआई र टि– २० सिरिजको खेलतालिका सार्वजनिक गरेसँगै नेपालले क्यानडा र ओमानसँग टी–२० सिरिज खेल्ने निश्चित भएको हो।
विश्कप लिग टु अन्तर्गतको क्यानडामा हुने त्रिकोणात्मक ओडिआई सिरिज पछि नेपालले टि–२० आई सिरिज खेल्दैछ। सिरिजमा घरेलु टोली, नेपाल र ओमान सहभागी हुने भएका छन्।
खेलतालिका अनुसार सेप्टेम्बर १६ देखि २६ सम्म लिग–२ अन्तर्गतको सिरिज हुने छन् भने २९ सेप्टेम्बरदेखि ३ अक्टोबरसम्म टी–२० सिरिज हुने छ। टी–२० सिरिजपछि नेपालले क्यानडासँग एकदिवसीय सिरिज खेल्ने पनि क्यानको वार्षिक क्यालेन्डरमा उल्लेख छ। तर, यस सिरिजबारेमा क्यानले अहिले स्पष्ट गरेको छैन।